ეკიპირება

ეკიპირება - (ფრანგული equiper – მოწყობა, მომარაგება), სამოსი, სამხედრო აღჭურვილობისა და სხვა ქონების კომპლექტი, რომელსაც სამხედრო მოსამსახურე ატარებს და თან დააქვს. საბრძოლო ამოცანების და სპეციალობის მიხედვით შეიძლება მოიცავდეს სათვალთვალო, დაზვერვის, კავშირის და ნავიგაციის სხვადასხვა საშუალებებს; დაცვის ინდივიდუალურ საშუალებებს; რადიაციული, ქიმიური და ბიოლოგიური დაცვის საშუალებებს, სპეციალურ, საინჟინრო და სამედიცინო საშუალებებს; სასურსათო მარაგს, აგრეთვე საძილე ტომარას, გადასარჩენ პირადი დაცვის კომპლექტებს, გასაბერ ნავს, სახის გრიმს და სხვა.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი,2017