ბურთაგი

ბურთაგ-ი (ოს. Буртæг) – ნართული ეპოსის ოსური ვერსიის პერსონაჟი – ნართების დაუძინებელი მტერი. როცა ავსულებმა ბორა მიწისქვეშეთში წაიყვანეს, ბურთაგმა მისი პატარა ძმები – ძილაუ და ბოლათბარზაი – საუასას წაართვა და ძალადობით შინ წაიყვანა. მოძალადის ლაშქარში მეომრები გაცილებით უფრო მეტი იყო, ვიდრე ტყეში ხეთა ფოთლები, მაგრამ ბორამ, უფროსი დალიმონის თმის სამი ღერის წყალობით, ისინი დაამარცხა, ბურთაგი მოკლა, ძმები დაიხსნა და მტრის ჯოგიც გამოირეკა.

ლიტერატურა

Осетинские нартские сказания. Дзауджикау, 1948. Осетинские нартские сказания. Дзауджикау, 1948.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“, - თბილისი2017