საავიაციო რუკა

საავიაციო რუკა – სპეციალური რუკები, რომლებიც განკუთვნილია ფრენის დაგეგმვისთვის, ფრენისწინა მომზადებისა და თვითმფრინავის მართვისათვის, საჰაერო ოპერაციების გეგმების შემუშავებისათვის.

იქმნება უნივერსალური სწორკუთხა კარტოგრაფიული პროექციის მასშტაბით 1:500000, 1:1000000, 1:2000000, 1:8000000, 1:32000000. 1:8000000 (ჩათვლით)-მდე. 1:8000000-ის ჩათვლით მასშტაბის

რუკები იქმნება დედამიწის მთელ ზედაპირზე სამ ბლოკად: ძირითადი (ჩრდილოეთის განედის 72 გრადუსიდან სამხრეთის განედის 72 გრადუსამდე) და ორი პოლარული (არქტიკა და ანტარქტიდა); 1:32000000 მასშტაბისა – ცალკე ფურცლებად კონტინენტებსა და პოლარულ არეებზე.

რუკების ფურცლებს აქვთ სწორკუთხა ჩარჩოები, შინაარსით შეთანხმებულია ტოპოგრაფიულ-საზღვაო და მიმოხილვით–გეოგრაფიულ რუკებთან. მაქსიმალურად შესაძლო სიზუსტით და დაწვრილებით ასახავენ ვიზუალურ და რადიოლოკაციურ ორიენტირებსა და დაბრკოლებებს. გამოდის ძირითადი და საბლანკო ვარიანტებით.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ–მაიორ ელგუჯა მეძმარიაშვილის საერთო რედაქციით, – თბილისი2017