თვითდამიზნება

თვითდამიზნება - მოძრავი ობიექტის მართვის სისტემის სახეობა. დაზიანების საშუალებების (რაკეტები, ტორპედები და ა.შ.) საბორტო აპარატურის მეშვეობით ავტომატური დამიზნების ხერხი;

ხორციელდება მიზნის გამოსხივებული ან არეკლილი ენერგიით (თბური, ხმოვანი, სინათლის და ა.შ.), რაც კონტრასტულად გამოყოფს მიზანს. შესაძლებელია გამოიყენონ მიზნის საკუთარი გამოსხივება - პასიური თვითდამიზნება ან დაზიანების საშუალებაზე განლაგებული გამოსხივების წყაროს მიერ გამოშვებული და მიზნიდან არეკლილი გამოსხივება - აქტიური თვითდამიზნება ასევე ცალკეული დამიზნების პუნქტიდან გამოსხივებით ნახევრადაქტიური თვითდამიზნება.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით. თბილისი, 2017