ქოთანა
ქოთანა - (Silene lacera Sims. = Oberna lacera lkonn); ოჯახი: მიხაკისებრნი (Caryophyllaceae). მრავალწლიანი ბალახოვანი მცენარეა. ღეროები 15-30 სმ სიმაღლისაა, წამოწეული ან გართხმული. ქვედა ფოთლები კვერცხისებურია, გრძელ ყუნწად წარზიდული. ზედა ფოთლები ლანცეტაა. ყვავილები წაგრძელებულ ყუნწებზეა განთავსებული. გვირგვინის ფურცლები თეთრია. ფირფიტა დაყოფილია ფოჩებად და თანაგვირგვინი – ხაზურ-ლანცეტა ნაკვთებად. ყვ. ნაყ. VI-VIII. მაღალმთის მცენარეა. იზრდება ტყის ზედა და სუბალპურ სარტყლებში, რიყნარებზე, ნაშალებსა და ჩამონაზვავებზე. კახეთში მისი ნახვა შესაძლებელია მდინარე სტორის ხეობაში. ცნობილია რაჭაში, ხევსურეთსა და თუშეთში. კავკასიის ენდემია.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
