პატარძალა

პატარძალა

პატარძალა – (Anchusa italica Retz. = Anchusa azurea Mill.); ოჯახი: ლაშქარასებრნი (Boraginaceae). ორ ან მრავალწლიანი ბალახოვანი მცენარეა. მთელი მცენარე უხეში ჯაგრითაა შებუსული. ფოთლები ოვალურია ან მოგრძო-ლანცეტა. ქვედა ფოთლები ყუნწიანია, ზედა კი – მჯდომარე. ყვავილები შეკრებილია ფარჩხატ ხვეულებად. გვირგვინი მეწამულ-ლურჯი ფერისაა. ხახა სქლად არის მოფენილი თეთრი ბეწვით. ყვ. IV; ნაყ. VII. მცენარე იზრდება მშრალ ადგილებში, გზის პირებსა და ნათესებში. კახეთში მისი ნახვა შესაძლებელია თითქმის ყველგან, არცთუ ისე ხშირი მცენარეა, მთელ საქართველოში სპორადულად არის გავრცელებული.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.