ჭახრაკაული
ჭახრაკაული - (Cerinthe minor L.); ოჯახი: ლაშქარასებრნი (Boraginaceae). ორ ან მრავალწლიანი ბალახოვანი მცენარეა, მარტივი ან დატოტვილი ღეროებით. მთელი მცენარე შიშველია, ლეგა. ქვედა ფოთლები ოვალური ფორმისაა, ყუნწებად ვიწროვდება. ღეროსეული ზედა ფოთლები ოვალური ან კვერცხისებურია, გულისებური ფუძით, ფართოდ ღერომხვევი. ყვავილედი თანაყვავილიანია, გვირგვინი მილისებური, მკრთალი ყვითელი ფერის, ნახევრამდეა გაყოფილი ლანცეტა ფორმის სწორ ნაკვთებად. ყვ. ნაყ. V; IX. კახეთში ეს მცენარე გავრცელებულია ველებზე, ნათესებში, ქვიან ადგილებზე. მისი ნახვა შესაძლებელია სოფელ გამარჯვების მიდამოებში. საქართველოში ფართოდ არის გავრცელებული.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
