ყანის ია

ყანის ია

ყანის ია – (Viola arvensis Murray); ოჯახი: იისებრნი (Violaceae). ერთწლიანი ბალახოვანი მცენარეა, სიმაღლით 20 სმ-მდე. ღერო დატოტვილი, სუსტად შებუსული. ქვედა ფოთლები პატარა ზომისაა, ნიჩბისებური. ფოთლების ქვედა მხარე შებუსულია. ყუნწიანი შუა ფოთლები კვერცხისებურია ან ელიფსური. თანაყვავილები ფრთისებურად არის განკვეთილი. გვირგვინის ფურცლები მუქი მოყვითალოა ან თეთრი, სურნელოვანი. ყვ. ნაყ. IV-VII. მცენარე იზრდება დაბლობიდან მთის ზედა სარტყლამდე – ტყეებში, ბუჩქნარებს შორის, ბალახოვან ფერდობებზე, რუდერალურ ადგილებში. კახეთში მისი ნახვა შესაძლებელია ყველგან. გავრცელებულია მთელ საქართველოში.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.