Reseda Globulosa Fisch
NPLG Wiki Dictionaries გვერდიდან
14:57, 12 აპრილი 2018-ის ვერსია, შეტანილი Tkenchoshvili (განხილვა | წვლილი)-ის მიერ
Reseda Globulosa Fisch. & C. A. Mey. – ოჯახი: Resedaceae. 10-70 სმ სიმაღლის ერთწლიანი ბალახოვანი მცენარეა, სწორად მდგომი ან წამოწეული, მეტ-ნაკლებად დატოტვილი, შიშველი. ფოთლები 3-5 ხაზურ ან ვიწრო-ხაზურ სეგმენტად არის დაყოფილი. ზოგჯერ ქვედა ფოთლები მთლიანია. ყვავილედი 5-30 სმ სიგრძის თავაკია. გვირგვინი თეთრია, მისი ზედა ფურცელი სამად არის დაყოფილი. ყვ. ნაყ. IV-VII. მცენარე იზრდება ქვიან, ღორღიან ფერდობებზე, კირქვიანებზე. კახეთში მისი ნახვა შესაძლებელია ვაშლოვანის დაცულ ტერიტორიასა და ელდარის ველზე. საქართველოში ცნობილია შიდა ქართლსა და ქვემო ქართლში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
