მანანა

ციური მანანა. გვიდო რენი

მანანა - ციური საკვები, რასაც 40 წლის განმავლობაში ყოველდღე უგზავნიდა უფალი ეგვიპტიდან გამოსულ ებრაელებს უდაბნოში სვლის დროს. მხოლოდ შაბათს არ მოდიოდა ციდან მანანა (რადგან შაბათი დღე ებრაელთათვის უქმე დღე იყო), სამაგიეროდ პარასკევ დღეს უფალი ორმაგ ულუფას უგზავნიდა. ყველას იმდენი უნდა აეკრიფა, რამდენიც დღიურად სჭირდებოდა, თუ ვინმე ზედმეტს აკრეფდა, უფუჭდებოდათ (მატლები ეხვეოდა).

მანანა (და უწჳმა მანანაჲ საჭმლად და პური ცათაჲ მოსცა მათ 77, 24) - ზეციური პური; თეთრი თაფლნარევი პურის ნამცეცები, როდესაც ისრაელიანებმა პირველად იხილეს ციდან პურის ცვენა, გაკვირვებულები კითხულობდნენ: „ეს რა არის?“, რაც ებრაულად ამგვარად გამოითქმის: „მან-ღა?“. აქედან „ზეციური პურის“ წარმომდგარი სახელი - „მანანა“.

წყარო

• ბარბაქაძე ლია, ჯიბის ცნობარი მართლმორწმუნე ქრისტიანისათვის; თბილისი, 2013 წ.

• ახალშენოვი იოსებ, ფსალმუნნის ძველ-ქართულ სიტყვათა, გეოგრაფიულ ადგილთა და ისტორიულ მოვლენათა განმარტებანი (რედაქტორი იოსებ ჯაჯანიძე); 2004.