მეწინავე რაზმი
NPLG Wiki Dictionaries გვერდიდან
მეწინავე რაზმი – გაძლიერებული სატანკო (ქვეითი, საზღვაო ქვეითი ჯარის) ქვედანაყოფი (ნაწილი), რომელიც ბრძოლის (ოპერაციის) დროს ამოცანების დამოუკიდებელი შესრულებისთვის გამოიყოფა; საბრძოლო წყობის ელემენტი.
მეწინავე რაზმის დანიშნულებაა:
- შეტევაში – უზრუნველყოს მთავარი ძალების ორგანიზებული ჩაბმა ბრძოლაში;
- სწრაფად შეაღწიოს მოწინააღმდეგის თავდაცვის სიღრმეში;
- ხელში ჩაიგდოს მნიშვნელოვანი ზღუდეები და ობიექტები;
- გამოედევნოს მოწინააღმდეგეს, შეუჩერებლივ გადალახოს წყლისმიერი დაბრკოლებები და შეასრულოს სხვა ამოცანები;
- თავდაცვაში – იმოქმედოს უზრუნველყოფის ზოლში.
მეწინავე რაზმები შეიძლება წინ გაიგზავნოს მარშზე სავარაუდო ბრძოლაში ჩაბმის მოლოდინში (მეტადრე შემხვედრ ბრძოლაში). მეწინავე რაზმები საბრძოლო ამოცანების შესრულებისას ხშირად მთავარი ძალებისგან 15–20 კმ-ით დაწინაურდებიან.
