ალკოჰოლური ჰეპატიტი
NPLG Wiki Dictionaries გვერდიდან
16:26, 14 სექტემბერი 2018-ის ვერსია, შეტანილი Tkenchoshvili (განხილვა | წვლილი)-ის მიერ
ალკოჰოლური ჰეპატიტი - (K70.1), (alcoholic hepatits) – ღვიძლის დაავადება, რომელიც ხასიათდება ღვიძლის უჯრედების ანთებითა და ნეკროზით და გამოწვეულია ალკოჰოლის ქრონკული მოხმარებით. ეს მდგომარეობა ითვლება ღვიძლის ალკოჰოლური ციროზის წინამორბედად, განსაკუთრებით იმ შემთხვევებში, როდესაც, ღვიძლის დაზიანების მიუხედავად, მიღებული ალკოჰოლის დოზები მაღალი რჩება.
მიუხედავად იმისა, რომ აღნიშნული დიაგნოზი ჰისტოლოგიური გამოკვლევის შემდეგ ისმება, მისი დადგენა ხშირად კლინიკური სურათისა და ბიოქიმიური გამოკვლევების მიხედვით ხდება. დიაგნოზი ისმება ისეთი კლინიკური ნიშნებით, როგორიცაა: სიყვითლე, მსუბუქი ჰეპატომეგალია, ზოგჯერ, ასციტი და ჰემორაგია.
