ვარუნა
NPLG Wiki Dictionaries გვერდიდან
15:01, 18 სექტემბერი 2018-ის ვერსია, შეტანილი Tkenchoshvili (განხილვა | წვლილი)-ის მიერ
ვარუნა – (ინდ.) ოკეანის ღმერთი, ადიტის ძე, რომელსაც სამფლობელო ოკეანეში აქვს. უპირისპირდება, არა მტრულად, თავის ძმას მიტრას, რომელიც ცეცხლის ბუნებისაა. ვარუნა იტაცებს ბრძენკაცის უტათჰიას ცოლს და ჩაიყვანს თავის სასახლეში ოკეანის ფსკერზე. შეურაცხყოფილი ქმარი ბრძენ ნარადას მიუგზავნის, მაგრამ ამაოდ: ვარუნა ყურად არ იღებს მის თხოვნას. ბოლოს, უტათჰია მდინარის ღმერთს სარასვატის მიმართავს, არ გაუშვას თავისი წყალი ოკეანეში, თავად კი შელოცვის ძალით დაშრეტამდე მიჰყავს ოკეანე. ვარუნა იძულებული შეიქნა, დაებრუნებინა ქმრისთვის ცოლი.
