ალანგსარი

ალანგსარ-ი (ყალ. Алангсар) – ყალმუხური ფოლკლორის მითოლოგიური პერსონაჟი – დევგმირი. ალანგსარის მტერთაგან დანაკუწებულ და მიმოფანტულ სხეულის ნაწილებს დაეძებს მისი ცოლი, რომელიც ხარებშებმული ურმით დადის. ხარები თავიანთი ვეება რქებით გზა-გზა მიწას მიითხრიან, ამან განაპირობა ბარხანებისა და უსწორმასწორობის არსებობა (შდრ. ოვშის შესახებ ყალმუხური ზღაპრის ეტიოლოგიური დასასრული: გმირს მისდევს მოკლული ურჩხულის ცოლი: მთები და ხეობები მისი ურმის თვლებისა და ხარების რქების ნაკვალევია). ალანგსარის გაცოცხლება შეუძლებელი ხდება იმის გამო, რომ ცოლი მის თავს ვერ პოულობს. გოლიათის ძვლები, აგრეთვე გიგანტური ქვაბი და ზედადგარი წყლის მიქცევის დროს ჩნდებიან. ამავე სახელის მქონე პერსონაჟი უდმურტულ მითოლოგიაშიც გვხვდება.

ლიტერატურა

• Калмыцкие народные сказки. Элиста, 1961; Эрдниев У. Э. Калмыки (конец XIX – начало XX вв.). Историко-этнографические очерки. Элиста, 1970.

წყარო

კავკასიის ხალხთა მითები და რიტუალები