მარგველაშვილი გიორგი

გიორგი მარგველაშვილი

მარგველაშვილი გიორგი თეიმურაზის ძე – (დ. 1969), საქართველოს პრეზიდენტი, სამხედრო ძალების უმაღლესი მთავარსარდალი 2013 წლის 27 ოქტომბერიდან.

განათლება

ბატონმა მარგველაშვილმა 1992 წელს დაამთავრა თბილისის სახელმწიფო უნივერსიტეტი და მოიპოვა ფილოსოფიურ მეცნიერებათა ხარისხი. 1993-1994 წლებში სწავლა განაგრძო ევროპის ცენტრალურ უნივერსიტეტში (ჩეხეთი - პრაღა), ხოლო 1993-1996 წლებში - საქართველოს მეცნიერებათა აკადემიის ფილოსოფიის ინსტიტუტში. 1998 წელს გიორგი მარგველაშვილმა მოიპოვა ფილოსოფიის მეცნიერებათა დოქტორის აკადემიური ხარისხი თბილისის სახელმწიფო უნივერსიტეტში.

პოლიტიკური მოღვაწეობა

• 2011 წლიდან აქტიურად ჩაერთო პოლიტიკაში,
• 2012 წლის 25 ოქტომბერს დაინიშნა განათლების მინისტრად.
• 2013 წლის 11 მაისს კოალიცია "ქართულმა ოცნებამ“ პრეზიდენტობის კანდიდატად დაასახელა.

წყარო

ქართული სამხედრო ენციკლოპედიური ლექსიკონი