დევთ დედა
NPLG Wiki Dictionaries გვერდიდან
11:44, 9 იანვარი 2020-ის ვერსია, შეტანილი Tkenchoshvili (განხილვა | წვლილი)-ის მიერ
დევთ დედა – მაცილ-ეშმაკთა დედა ხევსურულ მითოლოგიაში. ვისაც დევთ-დედა დაამიზეზებს, მას იგი ეშმაკებს მიუსევს და დააავადებს. ეშმაკები დამიზეზებულის ბალღებსა და ბოჩოლებსაც მტრობს, ავად ხდის და ხოცავს. მისი სალოცავი კოშკი ციხურა როშკაშია, სადაც დედაკაცები საწირ-საკლავით მიდიან და ლოცულობენ. მახვეწარი დევთ-დედას ციკანს დაუკლავს, რომელსაც გაგლეჯენ და იქვე გადააგდებენ.
ლიტერატურა
ს. მაკალათია. ხევსურეთი. თბ., 1984, გვ. 231- 232.
