წურვილი
NPLG Wiki Dictionaries გვერდიდან
16:23, 18 თებერვალი 2020-ის ვერსია, შეტანილი Tkenchoshvili (განხილვა | წვლილი)-ის მიერ
წურვილი – წვნიანი კერძი, რომელიც მცენარე მეკენძალადან (აჯორიკა: Aruncus vulgaris Raf) მზადდებოდა. საჭმელად ვარგისი აპრილის ბოლოდან მაისის პერიოდში დაკრეფილი მეკენძალა იყო. მას გარეცხავდნენ და მოხარშავდნენ, შემდგომ წვრილად დაჭრიდნენ და ცივ წყალში გააჩერებდნენ. ამით მას დამახასიათებელი მწკლარტე გემო გასდიოდა. წყალს გადაუწურავდნენ და მარილიან კარაქში - იაღში მოთუშავდნენ. ძირითადად გავრცელებული იყო შუახევის რაიონის სოფლებში - ქიძინიძეებსა და ჯაბნიძეებში.
