აგრის ბრძოლა

აგრის ბრძოლა – 1751 წელს ქართლ-კახეთის მხედრობის ბრძოლა ჭარ-ბელაქნისა და შაქის გაერთიანებულ ლაშქართან მდინარე აგრისწყლის (აგრიჩაი, ალაზნის შენაკადი, ახლანდელი აზერბაიჯანი) მიდამოებში 1751 წელს იანვარში ქართველთა მოკავშირემ შაქის ხანმა აჯიჩალაბმა უღალატა თეიმურაზ II-სა და ერეკლე II-ს და მოულოდნელად დაესხა თავს ქართველთა მარცხენა ფრთას, რომელშიც ქსნისა და არაგვის საერისთავოების რაზმები შედიოდა. ქართველთა ლაშქრის მაჰმადიანური ნაწილი უბრძოლველად უკუიქცა. ქართველები დამარცხდნენ. ერეკლე II თავადმა პაპა ბებურიშვილმა და გლეხმა დავით ბოსტაშვილმა გადაარჩინეს.