დიპილონი
NPLG Wiki Dictionaries გვერდიდან
დიპილონი − (ძვ.ბერძ. Δίπυλον — ორმაგი ჭიშკარი), ორმაგი ჭიშკარი და ადგილი ძველ საბერძნეთში. ქალაქ ათენის გალავნის ჩრდილო-დასავლეთით განლაგებული ყოფილა წმინდა დიპილონის კარიბჭეები. აგრეთვე ე.წ. კერამეიკონი, თავისი ცნობილი სამარხების ქუჩით. ამ კერამეიკონთან თავს იყრიდნენ ის გზები, რომლებიც ელევსინიდან, პირეოსიდან და ბეოტიიდან მოემართებოდნენ და აღწევდნენ იმ აკადემოსის ჭალამდე, სადაც პლატონს ფილოსოფიური სკოლა, აკადემია, დაუარსებია.
