ლანცა მარიო

მარიო ლანცა (ალფრედო კოკოცა) – (31. იანვარი 1921, ფილადელფია – 7 ოქტომბერი 1959, რომი), ამერიკელი მომღერალი (ტენორი) წარმოშობით იტალიელი. ე. როზეტის მოწაფე. ბელკანტოს სკოლის წარმომადგენელი. შემოქმედებითი მოღვაწეობა დაიწყო 1942. 1946- იდან წარმატებით გამოდიოდა აშშ-ის ქალაქებში. მღეროდა ახალი ორლეანის საოპერო დასში. შესრულებული აქვს ტენორის რეპერტუარის უმთავრესი პარტიები იტალიურ ოპერებში. მარიო ლანცას არაჩვეულებრივი სიძლიერის, ლამაზი ტემბრის ხმა ჰქონდა. გადაღებულია კინოფილმებში („დიდი კარუზო“ და სხვ.).

წყარო

მუსიკის ენციკლოპედიური ლექსიკონი