მამიში

მამიშ-ი (ადიღ. Мамыш) – ადიღური ნართული ეპოსის პერსონაჟი, ნათელმხილველ უორსარის ვაჟი, ნაყოფიერების ღვთაებისა („თჰაღალეჯი“) და წვრილფეხა საქონლის მფარველის („ამიში“) ძმა, რომელიც ცხვრის ბეჭზე მკითხაობს. მან იწინასწარმეტყველა, რომ სოსრუყოს დაბადებისთანავე მიწისაგან პირისა აღიგვება ყოველივე და გაქრება მათი მოდგმაც (დარჩება მხოლოდ ერთი უმწეო ადამიანი), გაქრება მიწის ნოყიერებაც და საქონლის ნაყოფიერებაც („ქონი“). მამიში თავის ძმებს ურჩევს, სოსრუყოს დაბადებამდე მოიმარაგონ სურსათ-სანოვაგე, თჰაღალეჯმა – ერთი ტყავის ჩანთა ფეტვი, ამიშმა – ერთი ცხვრის აპოხტი. ძმები ასეც იქცევიან. მამიშის წინასწარმეტყველება ახდება: მათ მოდგმაში იღუპება ყველა, გარდა ერთი უმწეო დედაბრისა.

ლიტერატურა

• Адыгэ IуэрыIуатэхэр. Адыгский фольклор. Т. I. Сост. З. П. Кардангушев, предисл. А. Т. Шортанова. Нальчик, 1963;
• Мыжей М., Пащты М. Адыгэ мифологием и энциклопедие. Тхьэхэр, лIыхъужьхэр, культхэр, нэщэнэхэр. Черкесск-Нальшык-Мейкъуапэ. 2012.

წყარო

კავკასიის ხალხთა მითები და რიტუალები