მუსიკის ისტორია
NPLG Wiki Dictionaries გვერდიდან
მუსიკის ისტორია – მუსიკალური ხელოვნების განვითარების თანმიმდევრული მატიანე დღიდან ჩასახვისა პირველყოფილი საზოგადოების წიაღში, თანამედროვეობამდე. მუსიკის ისტორია ანუ მუსიკალური კულტურის ისტორია მოიცავს ხალხური და პროფესიული მუსიკალური შემოქმედების, შემსრულებლობის და მუსიკალური ყოფის ყველა მხარეს. მუსიკის ისტორია ეწოდება აგრეთვე მეცნიერებას, რომელიც შეისწავლის მუსიკის განვითარების პროცესს, განპირობებულს საზოგადოების ისტორიული განვითარების კანონზომიერებებით. ისტორიული მუსიკისმცოდნეობა ცდილობს აღადგინოს მუსიკის საყოველთაო ისტორიის მთიანი პანორამა, აგრეთვე შეისწავლოს ცალკეული ხალხებისა და ქვეყნების მუსიკის ისტორიას.
