სამხედრო ტვირთი
NPLG Wiki Dictionaries გვერდიდან
სამხედრო ტვირთი – შეიარაღება, სამხედრო ტექნიკა, საწვავი და სხვა მატერიალური საშუალებები, რომლებიც განკუთვნილია ჯარებისათვის და რომელთა გადაზიდვაც ხდება სხვადასხვა ტრანსპორტით.
სამხედრო ტვირთი არის:
- სატრანსპორტო თვისებების მიხედვით – ცალკეული, დასაყრელი, ფხვიერი, ჩასასხმელი, შემკვრელი, მძიმეწონიანი, არაგაბარიტული;
- ფიზიკური თვისებების მიხედვით – არასაშიში და საშიში;
- შენახვის პირობების მიხედვით – ტვირთი, რომელსაც ესაჭიროება სპეციალური ან ჩვეულებრივი დახურული სათავსები, ან ტვირთი, რომლის შენახვა დასაშვებია სათავსების გარეშე.
