სტოპ-ხერხი
NPLG Wiki Dictionaries გვერდიდან
სტოპ-ხერხი – კომბინირებული კინოგადაღების უმარტივესი ხერხი, გამოიყენებენ როდესაც საჭიროა კადრიდან რომელიმე ობიექტის უეცარი გაქრობა ან გამოჩენა. „სტოპ-ხერხი“ კეთდება უშუალოდ კინოგადაღებისას. ამისათვის გადაღების პროცესში აჩერებენ კამერას, კადრში შეაქვთ საჭირო ცვლილებები და ისევ განაგრძობენ გადაღებას. (თვით კამერის მდგომარეობა და, გარემო უძრავად უნდა დარჩეს). „სტოპ-ხერხის“ განხორციელება შესაძლებელია ნებისმიერი კინოგადამღები კამერით.
