ფადლა I
NPLG Wiki Dictionaries გვერდიდან
ფადლა I – კახეთის მთავარი (881-892). არევმანელთა დინასტიის პირველი წარმომადგენელი. წყაროებში იგი დახასიათებულია, როგორც „კაცი მეცნიერი“, რომელმაც პირველ რიგში განიმტკიცა მდგომარეობა კახეთში და შემდეგ „ეუფლა“ გარდაბანს. როგორც ჩანს, გარდაბნელები უბრძოლველად არ დამორჩილებიან ახალი მთავრის ხელისუფლებას და მას ბრძოლით მოუხდა გარდაბნის დაკავება.
