შამბალიყი

შამბალიყ-ი (ბალყ.-ყარაჩ. Шамбалыкъ – „წმინდა ქალაქი“) – მაშუყის მთაზე (თანამედროვე პიატიგორსკი) მდებარე საერთო თურქული მთავარი სალოცავი, რომელშიც, გადმოცემის თანახმად, დიდი რელიკვიები, მათ შორის ჯადოსნური ოქროს თასი აგუნა ინახებოდა. აქ თოთურის თვეში (22 მარტი – 23 აპრილი) კავკასიის თურქულენოვანი მოსახლეობა ყოველწლიურად რელიგიური დღეობებისა და ლოცვების ჩასატარებლად იკრიბებოდა. მომდევნო ხანებში ამ ჩვეულების გამოძახილი იყო საერთოეროვნული დღეობა „გოლუ“, რომელიც მოკვდავი და აღდგომადი სოლარული ღვთაების სახელზე იმართებოდა. შამბალიყის მცველები და კულტმსახურები ბალყარელთა და ყარაჩელთა წინაპრები იყვნენ.

ლიტერატურა

Джуртубаев М. Ч. Карачаево-балкарские мифы. Нальчик, 2007.

წყარო

კავკასიის ხალხთა მითები და რიტუალები