ჩემბერლენი ჯოზეფ
ჯოზეფ ჩემბერლენი – (ინგლ. Joseph Chamberlain; 8 ივლისი 1836 — 2 ივლისი 1914), დიდი ბრიტანეთის სახელმწიფო მოღვაწე, დიპლომატი.
თავდაპირველად ლიბერალური პარტიის რადიკალურ ფრთას უჭერდა მხარს.
1873-76 – ბირმინგემის მერი;
1876 აირჩიეს პარლამენტში;
1880-85 და 1886 – უ. გლადსტონის კაბინეტის წევრი;
ჩემბერლენის გამოსვლამ (1886) ირლანდიისათვის ავტონომიის მინიჭების პროექტის წინააღმდეგ ლიბერალურ პარტიაში განხეთქილება და მისგან ჩემბერლენის მეთაურობით ე.წ. ლიბერალ-იუნიონისტთა ჯგუფის გამოყოფა გამოიწვია.
1895-1903 კონსერვატიულ კაბინეტში კოლონიების მინისტრის პოსტი ეკავა.
ინგლისელებისა და ბურების ომის დროს (1899-1902) ბრიტანეთის ექსპანსიონისტური პოლიტიკის ერთ-ერთი სულისჩამდგმელი იყო,
1903 იღვწოდა პროტექციონიზმის პოლიტიკის გატარებისათვის.
I906-დან ავადმყოფობის გამო აქტიურ პოლიტიკურ ცხოვრებას ჩამოშორდა.
