კაგორი
კაგორი' (კაჰორი) – პოპულარულმა სადესერტო ღვინო, სახელწოდება მიიღო საფრანგეთში, პირენეების მახლობლად მდებარე ქალაქ კაგორიდან. მას ამზადებენ ინტენსიურად შეფერილი წითელი ყურძნის ჯიშებიდან – კაბერნე-სოვინიონი, საფერავი, მატრასა, მორასტელი და სხვ. ყურძენს კრეფენ, როცა მასში შაქრის შემცველობა აღწევს 20%-ს.
კაგორის დამზადების ტექნოლოგიური სქემის თავისებურებას წარმოადგენს ყურძნის დაქუცმაცება და მიღებული დურდოს 75-80 გრადუს ტემპერატურაზე გაცხელება, 18-24 საათის განმავლობაში. აღნიშნული თბოდამუშავება განაპირობებს დურდოდან ტკბილში მთრმილავი, საღებავი და სხვა ექსტრაქტული ნივთიერებების უფრო სრულ გადასვლას, რის გამოც ღვინო იძენს ინტენსიურ შეფერილობას, კეთილშობილ ბუკეტს და სრულ ხავერდოვან მკვეთრ გემოს.
კაგორი მოიხმარება მცირე დოზებით, უკეთესია თბილ მდგომარეობაში, კუჭ-ნაწლავისა და სხვა დაავადებების დროს. კაგორი შეიცავს შაქარს 16%, სპირტს 16%-ს, ხოლო 3 წლის განმავლობაში დაძველებული კაგორის შაქრიანობა 18-25%-ია.
