ოდა (სიმღერა)
NPLG Wiki Dictionaries გვერდიდან
16:06, 28 აპრილი 2023-ის ვერსია, შეტანილი Tkenchoshvili (განხილვა | წვლილი)-ის მიერ
ოდა − (ძვ. ბერძ. ᾠδή < ἀοιδή – სიმღერა), ძველ ატიკურ კომედიაში ქოროს სიმღერა, რომელსაც პარაბასას სტრუქტურაში ეკავა მკაცრად განსაზღვრული ადგილი. ანტოდასთან, ეპირემასთან და ანტიეპირემასთან ერთად, ქმნიდა პარაბასას მე-2 ნაწილს. ოდა შეიცავდა ღმერთებისადმი საკულტო მიმართვას ან დასცინოდა ცალკეულ მოქალაქეებს. მისი მეტრული წყობა გამოირჩეოდა სირთულით, მრავალფეროვნებით და გადმოიცემოდა ანტოდის შემწეობით – მე-2 ნახევარქოროს სიმღერაში.
