ნანა იაშვილი

დაბადების ადგილი: ქ. თბილისი.

დაამთავრა პეტრე ჩაიკოვსკის სახელობის მოსკოვის სახელმწიფო კონსერვატორია 1970 წელს(სავიოლინო).

1967 წელს გახდა მ. ლონგისა და ჟ. ტიბოს სახელობის საერთაშორისო კონკურსის I პრემიის ლაურეატი(პარიზი), 1972 წელს მონრეალის საერთაშორისო კონკურსის ლაურეატი; 1983–1989წწ. მუშაობდა ვ. სარაჯიშვილის სახელობის თბილისის სახელმწიფო კონსერვატორიაში; 1990 წლიდან არის უცხოეთში, 1993 წლიდან ქ. ესენის(გერმანია) უმაღლესი სამუსიკო სკოლის, ამჟამად ქ. კიოლნისა და მოსკოვის კონსერვატორიის პროფესორი; ეწევა საკონცერტო მოღვაწეობას; მისი დაკვრა გამოირჩევა არტისტული ტემპერამენტითა და ემოციურობით, პროფესიული კულტურით, ვირტუოზული ტექნიკური ოსტატობით; მისი რეპერტუარი მდიდარი და მრავალფეროვანია, შეიცავს კლასიკური რეპერტუარის უმთავრეს ნიმუშებს. ცნობილი მევიოლინე და პედაგოგ ლუარსაბ იაშვილის ქალიშვილი, მევიოლინეების მარინე და ირინე იაშვილების და. მევიოლინე.

წყარო: მუსიკის ენციკლოპედიური ლექსიკონი. – თბ., 2007. – გვ. 116

• 1988 - საქართველოს სახალხო არტისტი