მანანა ბელიაშვილი

დაბადების ადგილი: ქ. თბილისი.

დაამთავრა თბილისის სამხატვრო აკადემია მხატვარ-გრაფიკოსის სპეციალობით 1957 წელს; პედაგოგები: ვ. გრიგოლია, ვ. ჯაფარიძე, ი. შარლემანი. სადიპლომო ნამუშევარი: "ქართული ხალხური ზღაპრების ილუსტრაციები" (ხელმძღვანელი - ი. შარლემანი).

წლების მანძილზე მუშაობდა გამომცემლობებში წიგნის გრაფიკის სფეროში, აგრეთვე დაზგურ გრაფიკაში - ლინოგრავიურა, ოფორტი, ქსილოგრაფია, ლითოგრაფია; ფერწერაში - პორტრეტის, პეიზაჟის, ნატურმორტის, თავისუფალი კომპოზიციის ჟანრში. გამოფენებში მონაწილეობს 1967 წლიდან. თანამშრომლობდა გამომცემლობებთან: "სახელგამი", "საბჭოთა მწერალი", "ზარია ვოსტოკა". გამოფენები: რესპუბლიკური - 1967, 1968, 1991. 1980-იან წლებში ასრულებდა შეკვეთებს არქეოლოგიური კვლევის ცენტრისთვის, იხატავდა ექსპედიციებში მოპოვებულ მასალას. აგრეთვე აფორმებდა ხელოვნებათმცოდნეთა და არქეოლოგთა სამეცნიერო ნაშრომებს. ჟურნალ "მნათობის" 2001 წლის N9-10 გამოაქვეყნა სტატია "მამის გახსენება" (მწერალ აკაკი ბელიაშვილის პიროვნულ ღირსებებსა და ოჯახზე). მისი ნამუშევრები ინახება საქართველოს კულტურის სამინისტროს და კერძო კოლექციებში. ქართველი მწერლის აკაკი ბელიაშვილის ქალიშვილი. გრაფიკოსი.

წყარო: საძიებელი და კომენტარები // ქართული ემიგრაცია / გრიგოლ რობაქიძის სახელობის უნივერსიტეტის ქართული ემიგრაციის ისტორიისა და გეოგრაფიის სამეცნიერო-კვლევითი ინსტიტუტი, გიორგი მაჩაბლის ფონდი.-თბილისი, 2015.-N3 (6).-გვ.152