ირაკლი ჩიჯავაძე

დაბადების ადგილი: სოფელი კისისხევი, თელავის რაიონი.

დაამთავრა პარიზში სორბონის უნივერსიტეტის საბუნებისმეტყველო ფაკულტეტი მებაღეობა-მეღვინეობის სპეციალობით.

1906 წელს საქართველოში დაბრუნდა, როგორც უკვე გამოცდილი აგრონომ-მეღვინე. მუშაობდა ვარციხის ღვინის ქარხანაში, სადაც ხელმძღვანელობდა შამპანური ღვინის წარმოებას. დიდი ხნის განმავლობაში იყო "სამტრესტის" სხვადასხვა საწარმოთა მთავარი მეღვინე, როგორც სპეციალისტი-ტექნოლოგი დიდი ავტორიტეტით სარგებლობდა. ირაკლი ჩიჯავაძის დამსახურების აღსანიშნავად, აგრონომ-მეღვინეთა საზოგადოებამ მას 1928 წელს საიუბილეო საღამო გაუმართა. სოფიო ჩიჯავაძე-კედიას და ლონგინოზ ჩიჯავაძის ძმა, ცნობილი ვიოლონჩელისტის ალექსანდრე ჩიჯავაძის მამა. აგრონომი, მეღვინე.

წყარო: ირაკლი ჩიჯავაძე : აგრონომისა და მეღვინის ი. ჩიჯავაძის (1882-1935) ბიოგრაფია / ჩიჯავაძე, ნინო // ვაზი და ღვინო.-თბილისი, 2000.- N1-2.-გვ.62-63