არჩილ ამაღლობელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსისტეტის ფიზიკა-მათემატიკის ფაკულტეტი.

ინსტიტუტის დამთავრების შემდეგ მუშაობდა საქართველოს მეცნიერებათა აკადემიის ანდრია რაზმაძის სახელობის მათემატიკის ინსტიტუტში. 1992 წლის ივნისში დაიცვა საკანდიდატო დისერტაცია ფიზიკა-მათემატიკის მეცნიერებათა კანდიდატის ხარისხის მოსაპოვებლად, რის შემდეგაც მუშაობა დაიწყო ეგრედწოდებულ იშვიათი დაშლის პრობლემებზე. არჩილ ამაღლობელი, როგორც გამორჩეული ახალგაზრდა მეცნიერი, მიავლინეს იტალიაში ტრიესტის თეორიული ფიზიკის საერთაშორისო ცენტრში. არჩილ ამაღლობელს ნაშრომებისთვის ფიზიკოსთა საზოგადოების პრემია გადაეცა (გარდაცვალების შემდეგ). 1992 წლის 11 ოქტომბერს მოხალისედ ჩაირიცხა 101-ე ბატალიონის მე-2 ასეულში ათმეთაურის თანამდებობაზე. მონაწილეობდა ასეულის მიერ ჩატარებულ ყველა საბრძოლო ოპერაციაში. დაიღუპა 1993 წლის 3 თებერვალს სოფელ ახალშენთან. საქართველოს ტერიტორიული მთლიანობისათვის მებრძოლი აფხაზეთის ომში. ნოდარ ამაღლობელის შვილი.

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.48-50

• ვახტანგ გორგასლის III ხარისხის ორდენი (გარდაცვალების შემდეგ)

• Редкие процессы и проблемы смешивания кварк-лептонных поколений в суперсимметричных теориях электрослабых и горизонтальных взаимодействий : Автореф. (იშვიათი დაშლები და კვარკ–ლეპტონური თაობების შერევის პრობლემები სუპერსიმეტრიულ ელექტროსუსტ და ჰორიზონტალურ მოდელებში) (ავტორი). - Тбилиси, 1992. - 18с.