გივი ღამბაშიძე

ვახტანგ ღამბაშიძისა და ვანდა ჰოპპე (ჰოპე)-ღამბაშიძის ვაჟიშვილი. მოხალისე ჯარისკაცი რუსეთ-საქართველოს 1921 წლის ომში. საომარ მოქმედებებში მონაწილეობის შესახებ დაწერილი მემუარები "ომის დღეები" (მოგონებები რუსეთ-საქართველოს 1921 წლის ომის შესახებ) დაიბეჭდა თბილისში 2017 წელს. ემიგრაციაში წასული, 1922 წელს საქართველოში დაბრუნდა, სადაც ექვსი თვით დააპატიმრეს. 1925 წელს კვლავ დატოვა ქვეყანა. თავი მოიკლა პარიზში, 1930 წლის 13 მაისს, 28 წლის ასაკში. პანაშვიდი პარიზში, ბიზეს ქუჩაზე მდებარე ბერძნულ ეკლესიაში გადაუხადეს და 16 მაისს ბატინოლის სასაფლაოზე დაკრძალეს. მის დასაფლავებას თითქმის მთელი ქართული კოლონია დაესწრო. 1963 წელს გივი ღამბაშიძე ლევილის სასაფლაოზე გადაასვენეს. მედეა და ჟორჟეტა ღამბაშიძეების ძმა.

წყარო: ჩემი თავგადასავალი / ვახტანგ ღამბაშიძე.-თბ.,2018.-გვ.29; საქართველოს ეროვნული არქივი: m.facebook.com; digitallibrary.tsu.ge

• ომის დღეები (ავტორი). - თბილისი, სეზანი, 2017. - 104გვ.