ნინიძე მაია

მადლის წყარო

ილია ჭავჭავაძის მრწამსი და მისი შემოქმედება

ვუძღვნი მამის, გრიგოლ გორგილაძის ხსოვნას

ანოტაცია

წიგნში ილია ჭავჭავაძის შემოქმედების მეცნიერული ანალიზითა და ობიექტური წყაროების მოშველიებით დასაბუთებულია, რომ მწერლის მრწამსი და ლიტერატურული მემკვიდრეობის მსოფლმხედველობრივი საფუძველი მართლმადიდებელი ქრისტიანობაა. ამ საზრისიდან არის განხილული მისი უმნიშვნელოვანესი თხზულებები. მათი სტილისტური და ტექსტოლოგიური კვლევის გზით გამოვლენილია შემოქმედებითი პროცესის თავისებურებანი და დღემდე შეუსწავლელი სიმბოლო-ალეგორიები. სრულიად ახლებურად არის წარმოჩენილი ცალკეულ ნაწარმოებთა შემოქმედებითი ჩანაფიქრი, სახისმეტყველება და პოეტური სემანტიკა.

წიგნი არის მცდელობა გაათავისუფლოს მკითხველი ათწლეულების მანძილზე გაბატონებული ათეისტური პროპაგანდის , შეზღუდულობისაგან და დაგვანახოს ილიას თხზულებები მათი ავტორის თვალთახედვით. იგი დიდ დახმარებას გაუწევს ფილოლოგებს, პედაგოგებს, სტუდენტებს, უფროსი ასაკის მოსწავლეებს და საინტერესო წასაკითხი იქნება ქართული ლიტერატურის მოყვარული ყველა მკითხველისათვის.

რედაქტორი

ფილოლოგიურ მეცნიერებათა კანდიდატი აკაკი მინდიაშვილი

რეცენზენტი

თბილისის სასულიერო აკადემიის პრორექტორი მღვდელი გიორგი ზვიადაძე

მხატვარი

ჯემალ ზენაიშვილი

© გამომცემლობა „ლომისი“