აიეტი (ორატორი)

აიეტი (VI ს.) – ორატორი, პოლიტიკური მოღვაწე.

VI საუკუნის ლაზიკაში, რომელიც ორი დიდი სახელმწიფოს (ბიზანტიისა და სპარსეთის) მეტოქეობის ასპარეზს წარმოადგენდა, რთული საგარეო ვითარება შეიქმნა. ამ სახელმწიფოებმა ლაზიკას თავს მოახვიეს ხანგრძლივი ომი განსაკუთრებით გამწვავდა ვითარება 553 წელს, ბიზანტიელთაგან გუბაზ მეფის მოკვლის შემდეგ. კოლხმა წარჩინებულებმა მოიწვიეს ხალხის ფარული ყრილობა, რომელზეც უნდა გადაწყვეტილიყო ქვეყნის პოლიტიკური ორიენტაციის საკითხი. სწორედ ამ ყრილობაზე უთქვამს სიტყვა აიეტს. იგი სპარსეთთან კავშირის მომხრე ყოფილა. მის მჭევრ სიტყვას დიდი აღფრთოვანება გამოუწვევია, მაგრამ დასი, რომელსაც აიეტი მეთაურობდა, დამარცხდა. გაიმარჯვა ბიზანტიურმა ორიენტაციამ. აიეტის სიტყვა შემოგვინახა VI საუკუნის ბიზანტიელმა პოეტმა და ისტორიკოსმა აგათია სქოლასტიკოსმა.

ტექსტი

• გეორგიკა, ბიზანტიელი მწერლების ცნობები საქართველოს შესახებ, III. ტფ., 1936, გვ. 67-70 [[1]].

ლიტერატურა

• ქართული მჭევრმეტყველება, თბ., 1958.

წყარო

• ქართული მწერლობა: ლექსიკონი-ცნობარი.