ბასილი ხანცთელი

ბასილი ხანცთელი – (IX ს.), წმ. ღირსი მამა (ხსენების დღე 05/18.10). ქართველი საეკლესიო მოღვაწე, ჰიმნოგრაფი, მოხსენიებულია გიორგი მერჩულის „გრიგოლ ხანცთელის ცხოვრებაში“. გრიგოლ ხანცთელის დედის მსახურის შვილი ყოფილა. აღიზარდა ხანცთაში, სადაც ერთხანს გრიგოლის მეჯინიბე იყო: „კარაულსა მამისა გრიგოლისსა ხედვიდა“. მოგვიანებით ხანცთის მონასტრის წინამძღვარი გახდა. გარდაიცვალა პარეხში, მიქელ პარეხელის სავანეში. ბასილი ხანცთელის აკროსტიქული საგალობლები შესულია მიქელ მოდრეკილის ჰიმნოგრაფიულ კრებულში.

ლ. შენგელია

ლიტერატურა

• ინგოროყვა პ., გიორგი მერჩულე, თბ., 1954;
• ძველი ქართული აგიოგრაფიული ლიტერატურის ძეგლები, ი. აბულაძის რედ., წგ. 1, თბ., 1963.

ბასილი მრავალმნიშვნელოვანი

წყარო

• საქართველოს მართლმადიდებელი ეკლესია:ენციკლოპედია