ბაუმოლის დაავადება
„ბაუმოლის დაავადება“ - („Bowmole’s desease”), უკავშირდება მომსახურების სფეროში ხელფასის ზრდის უზრუნველყოფის საკითხში წარმოქმნილ სიძნელეებს: ამ სფეროში ხელფასი გაცილებით დაბალია, ვიდრე მატერიალურ-ნივთობრივ წარმოებაში, რაც გამოწვეულია ეკონომიკის მესამეულ სექტორში შრომის მწარმოებლურობის ზრდის შედარებით დაბალი ტემპებით. მაგ., აშშ-ის მომსახურების სფეროს კერძო სექტორის მუშაკები ხელფასის სახით იღებენ მრეწველობაში დასაქმებულთა გამომუშავების 67%-ს; იაპონიაში ეს მაჩვენებელი ნაკლებია 7-ით, ხოლო გფრ ში - 15%-ით. დასავლეთის ეკონომიკურ ლიტერატურაში აღნიშნული მოვლენა პირველად გააანალიზა ცნობილმა ეკონომისტმა ბაუმოლმა. მან დაასაბუთა მატერიალურ-ნივთობრივ წარმოებისა და მომსახურების სფეროებს შორის ხელფასის დონის სხვაობის მუდმივი დაცვის მექანიზმის შექმნის აუცილებლობა, მომსახურებასთან შედარებით საქონლის წარმოების სფეროში შრომის მწარმოებლურობის უპირატესი ზრდის საფუძველზე. აღნიშნული მოვლენა ცნობილია „ბაუმოლის დაავადების” სახელწოდებით.
