ბედოშვილი ლია
NPLG Wiki Dictionaries გვერდიდან
ბედოშვილი ლია – (1954), ქართველი პოეტი. 1976 წელს დაამთავრა თსუ-ს ფილოლოგიის ფაკულტეტი. მუშაობდა არნოლდ ჩიქობავას სახელობის ენათმეცნიერების ინსტიტუტში მეცნიერ-თანამშრომლად. გამოცემული აქვს რამდენიმე პოეტური კრებული და საბავშვო ზღაპრები, მათ შორის – „საუფლო ამბები” (2017).
- * * *
- შენს გამო მთებმაც მომიძულეს,
- ვეშვები თავქვე,
- იქ, კალაპოტში აწონიან
- ჩემ წილ ცხოვრებას.
- დავიდგამ ავეჯს,
- ახალ-ახალს ჩავიცვამ კაბებს,
- იაგუნდებით დავაჩუმებ
- მაღალ გოდებას...
- შენს გამო მთებმაც მომიძულეს,
- ვეშვები თავქვე
- და განთიადის თეთრი ელდა
- ფეხებთან წვება...
- ღამით კი მთვარე, გალეული,
- ყვითელი ბავშვი
- გამექცევა და ცას ტირილით
- შეატოტდება.