გოდალი იაში

გოდალი ჲაში (ღოდ. Годалъи яши – „ავადმყოფობების დედა“) – სნეულებათა დემონი ღოდაბერელთა რწმენით. წარმოდგენილი ჰყავთ შიშველი და თმებგაწეწილი საშინელი ქალის სახით; არის ძალზე მოძრავი და დადის ხტუნვა-ხტუნვით; შეხვედრისას თუ ხელს ნეკა თითში ჩაავლებ, იმწამსვე გეტყვის, რა სურვილის ახდენა გსურს. მისი გამოჩენით სოფელში ავადმყოფობა და ეპიდემია იწყება.

ლიტერატურა

Сефербеков Р. И., Алигаджиева З. А. Мифологические персонажи годоберинцев: синкретизм традиционных верований и ислама // Исламоведение, 2013, № 4.

წყარო

კავკასიის ხალხთა მითები და რიტუალები