დადიანი ლულუ
NPLG Wiki Dictionaries გვერდიდან
დადიანი ლულუ – (1942), ქართველი მთარგმნელი და მხატვარი. დაიბადა თბილისში. 1964 წელს დაამთავრა თსუ-ს დასავლეთ ევროპის ენებისა და ლიტერატურის ფაკულტეტი, შემდეგ, 1973 წლიდან სწავლობდა თსუ-ს ხელოვნების ფაკულტეტზე და იმავე წლიდან მონაწილეობდა სამხატვრო გამოფენებში; გაიმართა მისი არაერთი პერსონალური გამოფენა თბილისსა თუ უცხოეთის სხვადასხვა ქალაქში; ლულუ დადიანი ეწევა აქტიურ მთარგმნელობით მოღვაწეობას, თარგმნილი აქვს რუსული და გერმანული პოეზიის წარმომადგენელთა პოეტური ნიმუშები, მათ შორის — რაინერ მარია რილკეს „დუინური ელეგიები” და „სონეტები ორფევსისადმი”.
- რაინერ მარია რილკე
- ლულუ ალბერტ-ლაზარდისადმი
- თარგმნა ლულუ დადიანმა
- როგორც ფრინველნი, შეხიზნულები
- ძველ სამრეკლოთა ვეება ზარებს,
- გაეცლებიან ხმებს შემაზარებს
- და დილის ჰაერს შელეწილები,
- ფრენამისჯილნი, ფრთაგაშლილები
- კოშკებს არშიად შემოუწრენ
- მშვენიერ შიშის ასოხვიარებს...
- ამ ზართა ზრიალს რაც ვეზიარეთ,
- გულისგულს ყოფნა არ გვიწერია.