დიადიმა
დიადიმა - ბიზანტიელი კეისრების სამოსელის ელემენტი, რომელიც ძალზე გავრცელებული იყო ქართველ მეფეთა ჩაცმულობაშიც.
ესაა ლოროსის განვითარებული სახე. წარმოადგენდა გრძელ ქსოვილს, რომელიც ლოროსის მსგავსად წელსა და მხრებზე ამოტარებით წინ იყო დაშვებული. ზოგიერთი მეცნიერის მოსაზრებით დიადიმა დროთა განმავლობაში ისე დამძიმდა ძვირფასი ქვებით, რომ მისი შემოხვეული ტარება შეუძლებელი გახდა და ამიტომ დაყვეს ნაწილებად.
ქართველ მეფეთა მორთულობაში გვხვდება დაშვებული და მეორე, რომელიც გულზე გადაჯვარედინებულადაა წარმოდგენილი. მიუხედავად იმისა, რომ ბიზანტიის მეფეთა ჩაცმულობა დიდ გავლენას ახდენს მისი კულტურული ძლიერების ქვეშ მოქცეულ სამყაროზე, ქართველ მეფეთა ბისონებიცა და დიადიმებიც თავისებური ორიგინალობით გამოირჩევა. მეფეებისა და დედოფლების გარდა ქრისტიანულ სამყაროში დიადიმებით გამოხატავდენ მიქაელსა და გაბრიელ მთავარანგელოზებს.
ლიტერატურა
ნ. ჩოფიკაშვილი, ქართული კოსტიუმი, 1964. ე.ნ.
