დომარი ევსეი

დომარი ევსეი - (1914-1997) Domar Evsey) - ამერიკელი პოლონური წარმოშობის ეკონომისტი, ეკონომიკური ზრდის თეორიების ცნობილი მკვლევარი. მან დაისახა მიზნად დაედგინა ის პირობები, რომლებიც უზრუნველყოფენ მოთხოვნისა და წარმოებრივი სიმძლავრეების ბალანსირებულ ზრდას. დომარის კვლევის შედეგები ჰაროდის მიერ მიღებული შედეგების ანალოგიური აღმოჩნდა. ამჟამად ისინი ცნობილია ჰაროდ-დომარის პირობების - სახელწოდებით. იგი მიუთითებს ინვესტიციების ორმაგ ეფექტზე: პირველი, მათ მოაქვთ შემოსავალი, მეორე, ზრდიან წარმოებრივ სიმძლავრეებს, მაშინ როდესაც კეინზიანური თეორია მიუთითებდა მხოლოდ პირველ ეფექტზე. დომარის მთავარი ნაშრომია "ნარკვევები ეკონომიკური ზრდის თეორიებში" (1957).

წყარო

თანამედროვე ეკონომიკის ენციკლოპედიური ლექსიკონი