ინფორმაციის შეგროვება
NPLG Wiki Dictionaries გვერდიდან
ინფორმაციის შეგროვება - იმ ცნობების და მონაცემების შეკრების, განზოგადებისა და ანალიზის პროცესი, რომლებიც სარდალს (მეთაურს) საომარი მოქმედების დროს სჭირდება ოპერაციის (ბრძოლის) და ჯარების (ძალების) მართვაზე გადაწყვეტილების მისაღებად.
ინფორმაციის შეგროვებს განუწყვეტლივ ახორციელებენ მართვის ორგანოები პირდაპირი ურთიერთობის და მართვის ზემდგომი, ქვემდგომი და ურთიერთმოქმედი ორგანოებიდან შემოსული ცნობების და მონაცემების შესწავლის გზით, როგორც საბრძოლო მოქმედების მომზადებისას, ასევე ამ მოქმედების მსვლელობის დროს. ინფორმაციის შეგროვებისთვის მუშაობის უშუალო ორგანიზატორია შტაბის უფროსი.
