კომპლექსური საერთაშორისო დიაგნოსტიკური ინტერვიუ
კომპლექსური საერთაშორისო დიაგნოსტიკური ინტერვიუ - (Composite International Diagnostic Interview. CIDI), შედგენილი საერთაშორისო დიაგნოსტიკური ინტერვიუ შემუშავდა მსოფლიო ჯანდაცვის ორგანიზაციისა და აშშ-ს ალკოჰოლისა და ნარკოტიკული ნივთიერებების ბოროტად გამოყენებისა და ფსიქიკური ჯანმრთელობის ადმინისტრაციული დეპარტამენტისთვის. ეს არის ამომწურავი, სტანდარტული ინტერვიუ, რომელიც DIS-ის საფუძველზეა შექმნილი და გამოიყენება ფსიქიკური აშლილობების შესაფასებლად და დიაგნოზის დასასმელად ICD-ის და DSM-IV-ის მიხედვით. თარგმნილია 16 ენაზე და შექმნილია კლინიცისტებისა და არაკლინიცისტებისთვის, რომლებიც სხვადასხვა კულტურაში მუშაობენ. CIDI პაკეტი შეიცავს ძირითად ინტერვიუს მკვლევარისა და ინტერვიუერის ვერსიებისთვის (ინტერვიუერის ვერსიას თან ახლავს დიაგნოსტიკური ინდექსი, რომელიც იძლევა საშუალებას, რომ კონკრეტული CIDI შეკითხვები დაუკავშირდეს ICD-10-ის და DSM-IV-ის კონკრეტულ დიაგნოსტიკურ კრიტერიუმებს), დამატებით მოდულებს (რომლებიც ეხება ანტისოციალურ პიროვნებას და პოსტტრავმული სტრესით გამოწვეულ აშლილობას), ტრენინგის სახელმძღვანელოებს და კომპიუტერულ პროგრამებს. ინტერვიუ შეიცავს შეკითხვებს ცხოვრების ნებისმიერ პერიოდში აღმოცენებული სიმპტომებისა და პრობლემების, ასევე, მიმდინარე მდგომარეობის შესახებ (World Health Organization, 1989; Essau and Wittchen, 1993; Janca et al., 1994).
