მეკენძალა
NPLG Wiki Dictionaries გვერდიდან
მეკენძალა – (Aruncus dioicus [Walter] Fernald = Aruncus Raf.); ოჯახი: ვარდისებრნი (Rosaceae). მრავალწლიანი ბალახოვანი მცენარეა, 1-1.5 მ სიმაღლისა. აქვს გრძელი ფოთლები, გრძელყუნწიანი, ორმაგ-ფრთისებური და რთული, ფოთოლაკი – 9. ზედა ფოთლები მთლიანია, ქვედები ფრთისებურად არის დაყოფილი 3-7 ნაკვთად. ნაკვთები მოგრძო-კვერცხისებურია ან ოვალურ-ლანცეტა. გვირგვინის ფურცლები თეთრია და პატარა. შეკრებილია საგველასებურ ყვავილედებში. ყვ. ნაყ. V-VIII. ტყიანი ჰაბიტატების მცენარეა, იზრდება ტყეებში, ტყის პირებზე, მოტენიანო ქვიან და კლდიან ეკოტოპებზე. გვხვდება კახეთის კავკასიონსა და თუშეთის დაცულ ტერიტორიაზე. საქართველოში მისი ნახვა შესაძლებელია, პრაქტიკულად ყველგან.
კენძალასგან აჭარაში მწნილს, ასევე წვნიან კერძს ამზადებდნენ.
