მოლიბდენი
NPLG Wiki Dictionaries გვერდიდან
მოლიბდენი − (ლათ. molybdaenum < ბერძ. molybdos ტყვია (გარეგნული მსგავსების გამო ტყვიასთან) – ღია რუხი ფერის ძნელადლღვობადი ლითონი.
სიმბოლო – Мо;
სიმკვრივე – 10280 კგ/მ3;
დნობის ტემპერატურა – 2623°C;
დუღილის ტემპერატურა – 4639°C.
თავისუფალი სახით ბინებაში არ გვხვდება. ცნობილია 20-მდე მოლიბდენის შემცველი მინერალი. მათ შორის მნიშვნელოვანია: მოლიბდენიტი MoS2 (60% Mo), პოველიტი СаМоО4 (48% Мо), მოლიბდიტი Fe(MoO4)3·nH2O (60% Mo) და ვულფენიტი PbMoO4. მოლიბდენი სუფთა სახით პირველად მიიღო შვედმა ქიმიკოსმა და მინერალოგმა ი. ბერცელიუსმა. ძირითადად გამოიყენება ფოლადების ლეგირებისათვის, როგორც კომპონენტი, მხურვალმტკიცე და კოროზიამედეგი შენადნობების მისაღებად, აგრეთვე ელექტრონათურებსა და მაღალტემპერატურულ ღუმლებში ვარვარების მავთულად და სხვ.
