ნოზაძე ლერი
NPLG Wiki Dictionaries გვერდიდან
ნოზაძე ლერი − (1955), ქართველი ეკონომისტი და პოეტი. 1972 წელს დაამთავრა ხაშურის მეორე საშუალო სკოლა, ხოლო 1978 წ – თსუ-ს მექანიკამათემატიკის და ხელოვნებათმცოდნეობის ფაკულტეტები. დიდი ხნის განმავლობაში მუშაობდა აგრარულ უნივერსიტეტში, დამოუკიდებელ უნივერსიტეტ „ეგრისში“, ეკონომიკისა და სამართლის ქართულ-ბრიტანულ და სხვა უნივერსიტეტებში. 2011 წლიდან სამცხე-ჯავახეთის სახელმწიფო უნივერსიტეტისა და უნივერსიტეტ „გორგასალის“ ასოცირებული პროფესორია. ათი პოეტური კრებულის და რამდენიმე ბიოგრაფიული ესეს ავტორია.
- * * *
- გამოსავალი განა არა ჩანს?
- წარღვნის დროსაც კი ვიღაც გადარჩა
- და არც გვალვის დროს წახდა ყოველი.
- ჩვენ მოვიშუშებთ ბევრ მკაცრ განაჩენს
- და შევიქმნებით ყოვლის მპოვნელი.
- ღრუბლები კვლავაც გადაიყრება,
- მგონი, მათაც სწყინთ არად ჩაგდება!
- კაცობრიობა თვის გეზს მიჰყვება,
- ომს რომ აცხადებს ამპარტავნებთან.
- უსასრულოა ასეთი ფიქრი.
- კეთილმზრახველნი გზას მოძებნიან.
- დადგება ჟამი ახალი მირქმის,
- სამსხვერპლოდ ისევ თავს გავიმეტებ!
- ერთმანეთისა ჩვენ უფრო გვესმის.
- ვგრძნობ, ამ მძიმე ჯვარს როგორ მიველტვი,
- როს წამადგება თავს „ვინმე მესხი!“
- ის, რაც მიაჩნდათ უკიდეგანოდ,
- დღეს დაიტია აქ ფრაზამ მომცრომ,
- მე ვაათმაგებ თქვენს ღვაწლს დედანო,
- სული უბიწო რომ კვლავ დავლოცო,
- მსურს, მოვილიო მძიმე განცდები
- და წარვედგინო საკუთარ თავთან.
- ზიგზაგ ცხოვრების თითო მარცვლები.
