ოშორა (სოფელი ასპინძის მუნიციპალიტეტში)
NPLG Wiki Dictionaries გვერდიდან
ოშორა – სოფელი ასპინძის მუნიციპალიტეტში, იდუმალის თემის საკრებულოში, ახალციხის ქვაბულის აღმოსავლეთ ნაწილში, მდინსრე ოშორის (მტკვრის მარჯვენა შენაკადი), ნაპირას, ზღვის დონიდან 1150-1240 მ სიმაღლეზე, დაბა ასპინძიდან ჩრდილოეთით 8 კმ მანძილზე. მოსახლეობის რიცხოვნობა – 637, რიცხობრივად უპირატესი ეროვნება – ქართველი (2002). საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში. მიდამოები უტყეოა. შემორჩენილია ეკლესია.