რუსთავი (სოფელი ასპინძის მუნიციპალიტეტში)
NPLG Wiki Dictionaries გვერდიდან
რუსთავი – სოფელი ასპინძის მუნიციპალიტეტში, მდინარე მტკვრის მარჯვენა მხარეს, ზღვის დონიდან 1045-1330 მ სიმაღლეზე, დაბა ასპინძიდან ჩრდილო-დასავლეთით 16 კმ მანძილზე, თემის ცენტრი (სოფლის სახელწოდება რუს-არხის სათავიდან მოდის). მიდამოები უტყეოა. მოსახლეობის რიცხოვნობა – 438. მოსახლეობის უდიდესი ნაწილი (99 %) ქართველი (2002). სოფლის შესასვლელთან აღმართულია თ. ღვინიაშვილის ავტორობით შესრულებული შოთას ძეგლი.